नेपाली कांग्रेसका वरिष्ठ नेता रामचन्द्र पौडेलले प्रधानमन्त्री केपी शर्मा ओलीले राजीनामा नदिए कांग्रेसले हटाउने चेतावनी दिनु भएको छ ।
नेपाल शिक्षक संघको कार्यक्रम नेता पौडेलले प्रधानमन्त्रीबाट ओलीलाई हटाउन शुक्रबारको केन्द्रीय समिति बैठकले अठोट लिएको बताउनुभएको । ’प्रधानमन्त्रीले आफैं छोड्नुहुन्न भने हामी हटाउँछौं । उहाँले राजीनामा नदिएका कारण हामी हटाउन बाध्य हुनुपरेको छ’, उहाँले भन्नुभयो ।
७० वर्षदेखि लडेर ल्याएको लोकतान्त्रिक व्यवस्था ओलीले ध्वस्त पार्न लागेकाले सत्ताको विकल्प खोजिएको उहाँले बताउनुभएको छ । साथै, उहाँले प्रधानमन्त्रीले संसद्को उपेक्षा गरेकोसमेत आरोप लगाउनुभयो ।
यता, कांग्रेसले म्यानमारमा भइरहेको लोकतान्त्रिक आन्दोलनप्रति ऐक्यवद्धता जनाएको छ ।
साथै, आन्दोलनलाई दृढतापूर्वक समर्थन गर्न तथा सैनिक कूको भत्र्सना गर्न नेपाल सरकार, राजनीतिक दलहरू, संयुक्त राष्ट्रसंघ लगायतलाई अपिल गरेको छ । from:nepalinetwork
